Ел бойынша шығарындылардың жалпы көлемі 2 280,9 мың тоннаны құрады. Бұл өткен жылмен салыстырғанда 0,4%-ға көп. Оның ішінде 80,7%-ы газ тәрізді және сұйық заттар, 19,3%-ы қатты бөлшектер.
Кәсіпорындар ластаушы заттардың 93,8%-ын ұстап, залалсыздандырды. Өңірлік бөліністе ең төмен көрсеткіштер Жетісуда тіркелді — 14,6 мың тонна.
Сондай-ақ, шығарындылардың төмен көлемі Солтүстік Қазақстан облысында (61,8 мың тонна), Батыс Қазақстан облысында (70,8 мың тонна) және Ақмола облысында (69,9 мың тонна) тіркелген.
Республикалық маңызы бар қалаларда шығарындылар: Шымкентте — 28,8 мың тонна, Алматыда — 49,6 мың тонна, Астанада — 53,7 мың тонна.
Негізгі ластаушылар — күкірт диоксиді, көміртегі тотығы және азот диоксиді. Олардың көлемі нормативтер шегінде. Арнайы заттардың, оның ішінде ауыр металдардың шығарындылары да белгіленген нормалардан аспайды: сынап — 700 кг, қорғасын — 205,9 тонна, мыс — 103,1 тонна.