Жергілікті ТЖД басқармасының мәліметі бойынша, құтқарушылар Ертіс өзенінің акваториясы бойынша екі жүзден астам рейд өткізді. Олар адамдардың су жағасында демалатын орындарын тексереді және бұзушылықтарды анықтайды.
Көбінесе жабдықталмаған орындарда шомылу, алкоголь ішу және балаларды су жағасында қараусыз қалдыру фактілері тіркеледі. Маусым бойы жүзден астам әкімшілік хаттама жасалды.
Павлодар облысы ТЖД басқармасының бастығы Тлекжан Ғалямов барлық қаза тапқандар мас күйде болғанын және ресми жағажайлардан тыс жерде шомылғанын атап өтті. Ол тек коммуналдық және жеке жағажайларды пайдалануды, буйлардан ары қарай жүзбеуді және шомылар алдында ішімдік ішпеуді ескертті.
Бұған дейін аймақтың 45 жағажайының тек жетеуі балаларға бейімделгені хабарланған болатын.