«Өскемен әуежайы» АҚ-ның бұрынғы басшылығына қатысты істердің бірі назар аудартты. Сот фигуранттарды лауазымдық өкілеттіктерін теріс пайдалану, мүлікті ұрлау және қылмыстық кірістерді заңдастыру бойынша кінәлі деп таныды. Мемлекетке келтірілген залал 157 млн теңгені құрады және толық өтелді. Сотталушыларға нақты бас бостандығынан айыру мерзімдері тағайындалды.
Екінші ірі іс мемлекеттік субсидияларды заңсыз алумен байланысты. Шаруа қожалығының басшысы жалған құжаттар арқылы 374 млн теңгеден астам бюджет қаражатын алған. Сот оны кінәлі деп танып, мүлкін тәркілей отырып, алты жыл алты ай бас бостандығынан айыру жазасын тағайындады.
Департаментте экономикалық қылмыстарды анықтау және ұрланған қаражатты қайтару жұмыстары жалғасып жатқаны атап өтілді.