Облыстық төтенше жағдайлар департаментінің құтқарушылары гидравликалық жабдықтың көмегімен рельс конструкциясында қысылған жастын аяқтарын босатты. Одан кейін оны облыстық көпсалалы медициналық орталыққа жеткізді.
«Арай» паркіндегі аттракциондар тіркелмеген. Қаладағы тұрғын үй-коммуналдық шаруашылық, жолаушылар көлігі және автомобиль жолдары бөлімінде тек қалалық мәдениет және демалыс саябағы мен Президент саябағындағы нысандар есепте тұрғанын нақтылады. Жеке аттракцион иелері өтініштерді өз бетінше беруі тиіс.
Өткен жылдың 21 мамыры мен 20 тамызында саябақ әкімшілігіне тіркеу қажеттілігі туралы ескертілген. «Арай» саябағынан ұсыныс түспеген.
Қазір еңбекті қорғау талаптарын бұзу фактісі бойынша тергеу жүріп жатыр. Аттракциондар аймағы тергеу әрекеттері аяқталғанға дейін жабық қалады. Бұған дейін зардап шеккен адамның жағдайы өте ауыр деп бағаланған.