Аида Балаева құжаттың қабылдануы 2019 жылы Президент бастаған реформалар бағытының жалғасы екенін атап өтті. Оның сөзінше, Конституция тек құқықтық нормаларға ғана емес, ең алдымен құндылықтарға негізделеді.
Вице-премьер маңызды жаңалықты атап өтті: мәдениет, ғылым және білім алғаш рет негізгі конституциялық құндылықтар қатарына енгізілді. Ұлттық мәдениетті мемлекеттік қолдау және тарихи-мәдени мұраны сақтау мемлекеттің маңызды міндеттері ретінде бекітілді. Енді әрбір азамат тарих және мәдениет ескерткіштеріне ұқыпты қарауға міндетті.
Құжаттың идеялық негізін Президенттің «Әділетті Қазақстан», «Заң және Тәртіп», «Адал Азамат» және «Таза Қазақстан» бастамалары құрайды. Жаңа Конституция отбасы институтының құқықтық негіздерін нақтырақ бекітеді және қоғамдық негізгі құндылықтарды қорғау кепілдіктерін күшейтеді.
Құжат 2026 жылғы 15 наурыздағы республикалық референдум қорытындысы бойынша қабылданды. Ол 1 шілдеде күшіне енеді.