Қаражат 2029 жылы пайдалану мерзімі аяқталатын KazSat-3 қолданыстағы аппаратын ауыстыруға жұмсалады. Жаңа спутник ұлттық спутниктік байланыс жүйесінің үздіксіз жұмысын қамтамасыз етеді.
Жоба спутниктік байланыс пен телекоммуникация саласын дамытуға бағытталған. Ол байланыс және теле-радио хабар тарату желілерінің тұрақты жұмысын сақтауға, сондай-ақ аз қоныстанған және шалғай аудандарда интернетке қолжетімділікті кеңейтуге мүмкіндік береді.
Сонымен қатар, жобаны іске асыру ақпараттық қауіпсіздік деңгейін арттырады және Қазақстанның технологиялық егемендігін нығайтады. Қазіргі уақытта KazSat жүйесін 19 байланыс операторы және 2 млн-нан астам телехабар тарату абоненттері пайдаланады.