Құрылыс республикалық бюджет есебінен жүргізілді. Нысандар мемлекеттік ветеринариялық ұйымдардың балансына берілді және халықпен жұмыс істеу үшін пайдаланыла бастады.
2026–2027 жылдары облыста барлығы 53 ветеринариялық нысан жоспарланған. Оларды салуға үкімет 1,4 млрд теңге бөлді. Биыл 570 млн теңгеге 22 нысан салынды, 2027 жылы 836,5 млн теңгеге тағы 31 нысан салу жоспарлануда.
Әрбір пункт қызметтік кабинеттермен, препараттарды сақтауға арналған бөлмелермен, жануарларды бекіту құрылғыларымен және қажетті жабдықтармен жабдықталған. Ғимараттар ветеринариялық-санитариялық талаптарға және Жануарлардың денсаулығы жөніндегі дүниежүзілік ұйымның стандарттарына сәйкес келеді.
Жаңа нысандар шалғай ауылдарда жануарларды вакцинациялау, диагностикалау және сәйкестендіру жұмыстарын жүргізуге мүмкіндік береді, сондай-ақ өңір тұрғындары үшін ветеринариялық көмектің қолжетімділігін арттырады.