Ұлттық қауіпсіздік комитеті сұранысты қарап, іс бойынша сотқа дейінгі тергеу жүргізіліп жатқанын хабарлады. Қосымша мәліметтер Қылмыстық-процестік кодексінің 201-бабының 1-тармағына сәйкес жария етілмейді.
Қылмыстық іс есірткі құралдарын, психотроптық заттарды және олардың аналогтарын сату мақсатында заңсыз сатып алу, сақтау, тасымалдау, жөнелту немесе өткізу туралы бап бойынша қозғалған.
ҰҚК бөлімшесінің бастығы Олжас Бектенов іске қатысты басқа ақпараттың жария етілмейтінін нақтылады. Егер күдіктілердің кінәсі сотта дәлелденсе, оларға мүлікті тәркілеу және 7 жылдан 12 жылға дейін бас бостандығынан айыру қаупі төнуі мүмкін.